استوحينا سبلاش آستي من عظمة عرش الملك السومري، ليكون السبلاش اللي يكمل إطلالتج اليومية بهالة من الفخامة والرقي. تركيبة أنثوية تبدأ بافتتاحية مليانة طاقة وحيوية من مكس التوتيات (الفراولة، توت العليق، التوت الأسود، والكرز الحامض) وية لمسة يوسفي وليمون، يكمل القلب العطري برقة أزهار البنفسج والياسمين، وينتهي بقاعدة عميقة وثابتة تدمج الفانيليا والمسك وية فخامة خشب الكشمير، طحلب البلوط، والباتشولي.

سبلاش ميلام ينطيك هالة مشعة تشبه هيبة ملوك بابل وسومر! تبدأ الرحلة بانتعاش الحمضيات الصافية، بس المفاجأة تبين من يندمج هذا الانتعاش وية حدة التوابل بقلب العطر (الهيل، المريمية، والزعتر). ولأن الحضور القوي يحتاج أثر يطول وياك، ثبتنا التركيبة بقاعدة دافية وفخمة من خشب الصندل، خشب الأرز، المسك الأبيض، والعنبر.

بالمسماري تعني الملك، وبالعطور تعني الحضور اللي يفرض نفسه بدون تكلف. سبلاش لوكال مصمم للشخصية اللي تحب تترك أثر مريح بس فخم بنفس الوقت، يبدأ بلمسة من الفانيليا الخفيفة والفواكه الدافئة، ويتدرج لقلب من الكراميل الناعم اللي يعكس شخصية متوازنة ومميزة، وحتى تكتمل الهيبة وتدوم، يرتكز العطر على قاعدة ثابتة من المسك الأبيض والعنبر.

ببابل وسومر قديما، جان إله القمر نانار هو الأصل، أبو الآلهة وسيد زقورة أور، وعلى أساسه صممنا عطر نانار ليعكس حضور للرجل يفرض احترامه بدون كلام تبدأ تركيبة العطر بانتعاش قوي وحاد يلفت الانتباه من اللحظة الأولى، وتدرج عطري يندمج وية برودة الليل مصمم بدقة ليترك أثر بعد كل خطوة.

اكو أسماء يسبقها تاريخها، واكو عطور تسبقها هيبتها. استوحينا عطر نيتا من عظمة ملك بابل كلكامش، حتى نقدملك زجاجة تعكس ثقة شخصيتك، بتركيبة مدروسة وفوحان راقي يترك بصمة مميزة وثبات يرافقك بأهم قراراتك. نيتا، عطرك الي يقدم شخصيتك بدون كلام.

حضور الهة الحب والحرب بقنينة عطر! عطر إينانا يقدملج حضور وتأثير مثل عشتار من رشة وحدة! بمزيج من نعومة ورقة الياسمين الصافي اللي يعكس أنوثتج، وثبات المسك اللي ينطيج قوة ورزانة تفرضين بيها حضورج. عطر متوازن يكمل أناقتج ويخلي الكل تنتبهلج قبل لا تحجين.